புதுச்சேரி

லாஸ்பேட்டை போலீஸ் சப்-இன்ஸ்பெக்டர் அன்சர் பாஷா தலைமையிலான போலீசார் இன்று மதியம் ரோந்து பணியில் ஈடுபட்டனர். அப்போது சாமிப்பிள்ளைத் தோட்டம் குயில் தோப்பு அருகே சந்தேகத்துக்கு இடமான முறையில் நின்று கொண்டிருந்த 2 பேரை பிடித்து சோதனை செய்தனர். அப்போது அவர்களிடம் கத்தி இருப்பதை கண்டு அதிர்ச்சி அடைந்தனர்.

விசாரணையில் அவர்கள், கருவடிக்குப்பம் மகாவீர் நகரை சேர்ந்த தினேஷ் (வயது 30), விழுப்புரம் இந்திரா நகரை சேர்ந்த மணிகண்டன் (34) என்பது தெரிய வந்தது. இதையடுத்து 2 பேரையும் போலீசார் கைது செய்தனர். கத்தியையும் பறிமுதல் செய்தனர்.