கல்லூரி மாணவி மாயம்

அரியாங்குப்பம்

அரியாங்குப்பம் தேங்காய்திட்டு வீதியை சேர்ந்தவர் சேகர் (வயது 45). கட்டிட தொழிலாளி. இவரது மனைவி விஜயலட்சுமி (40). இத்தம்பதியின் இளைய மகள் கீர்த்தி (19). இவர் புதுச்சேரி பாரதிதாசன் அரசு பெண்கள் கலைக்கல்லூரியில் பி.ஏ. தமிழ் 2-ம் ஆண்டு படித்து வருகிறார்.

நேற்று காலையில் கல்லூரி செல்வதாக சென்ற கீர்த்தி, மீண்டும் வீடு திரும்பவில்லை. அவரை கல்லூரியிலும், உறவினர்கள் வீடுகளிலும் தேடி கிடைக்காததால், அரியாங்குப்பம் போலீஸ் நிலையத்தில் தாயார் விஜயலட்சுமி புகார் தெரிவித்தார். அதன்பேரில் போலீஸ் சப்-இன்ஸ்பெக்டர் விநாயகமூர்த்தி வழக்கு பதிவு செய்து மாயமான கல்லூரி மாணவி கீர்த்தியை தேடி வருகிறார்.