தெற்கில் விடியல் பிறந்தது போல், விரைவில் இந்தியாவிற்கு விடியல் பிறக்கும்: இளைஞரணி மாநாட்டில் முதல் அமைச்சர் மு.க ஸ்டாலின்

தெற்கில் விடியல் பிறந்தது போல், விரைவில் இந்தியாவிற்கு விடியல் பிறக்கும். திமுக இளைஞரணியை பார்க்கும் போது மிகுந்த மகிழ்ச்சி அடைகிறேன். இளைஞரணி படையை பார்த்த பின் எனக்கு 20-வயது குறைந்தது போல் உள்ளது. ஒரு மாநாட்டை எப்படி நடத்த வேண்டும் என்பதில் கே.என்.நேரு வழிகாட்டியாக இருக்கிறார். நேரு என்றால் மாநாடு..மாநாடு என்றால் நேரு. எந்த கொம்பனாலும் திமுகவை வீழ்த்த முடியாது.

நம்மிடம் அதிகம் வரியை பெற்றுக்கொண்டு மத்திய அரசு குறைந்த தொகையை தருகிறது. நிதி அமைச்சர் நிர்மலா சீதாராமன் கேட்ட மரியாதை நான் கொடுத்துவிட்டேன். ஆனால், நாம் கேட்ட நிதியை ஒருபைசா கூட திருப்பி கொடுக்கவில்லை- அமைச்சர் உதயநிதி

இளைஞரணி முதன் முதலில் தொடங்கப்பட்டது திமுகதான். இளைஞர்கள் தீக்குச்சி போன்றவர்கள்- திருச்சி சிவா எம்.பி திமுக இளைஞரணி மாநாட்டில் பேச்சு

சேலம் திமுக இளைஞரணி மாநாட்டில் முதல் -அமைச்சர் மு.க ஸ்டாலினுக்கு செங்கோல் வழங்கப்பட்டது. அமைச்சர் உதயநிதி உள்ளிட்டோர் முதல்வருக்கு செங்கோலை அளித்தனர்.

சேலத்தில் நடைபெற்று வரும் திமுக இளைஞர் அணியின் 2-வது மாநில மாநாட்டில் தந்தை பெரியார் சிலைக்கு முதல்-அமைச்சரும், திமுக தலைவருமான மு.க.ஸ்டாலின். மலர்தூவி மரியாதை செலுத்தினார்.

சேலத்தில் நடைபெற்று வரும் திமுக இளைஞர் அணியின் 2-வது மாநில மாநாட்டில் தமிழ் மொழிப்போர் தியாகிகளுக்கு மரியாதை செலுத்தப்பட்டது.