சென்னை,

சத்ய சாய்பாபாவின் நூற்றாண்டு விழாவையொட்டி, ஆந்திர மாநிலம் புட்டபர்தி அருகே உள்ள சத்ய சாய் பி நிலையத்திற்கு சென்னை, திருவனந்தபுரத்தில் இருந்து சிறப்பு ரெயில் இயக்கப்பட இருக்கிறது. இது தொடர்பாக, தெற்கு ரெயில்வே வெளியிட்டுள்ள செய்திக் குறிப்பில் கூறப்பட்டுள்ளதாவது:-

சென்னை எழும்பூரில் இருந்து வரும் 23-ந் தேதி (ஞாயிற்றுக்கிழமை) இரவு 11.55 மணிக்கு புறப்படும் சிறப்பு ரெயில் (வண்டி எண் 06065) மறுநாள் காலை 9.10 மணிக்கு சத்ய சாய் பி நிலையத்தை சென்றடையும். மறுமார்க்கத்தில், சத்ய சாய் பி நிலையத்தில் இருந்து 24-ந் தேதி (திங்கட்கிழமை) இரவு 9.30 மணிக்கு புறப்படும் சிறப்பு ரெயில் (06066) மறுநாள் பகல் 11.30 மணிக்கு சென்னை எழும்பூரை வந்தடைகிறது.

இதேபோல், திருவனந்தபுரம் வடக்கு ரெயில் நிலையத்தில் இருந்து வரும் 23-ந் தேதி மாலை 6.05 மணிக்கு புறப்படும் சிறப்பு ரெயில் (06067) மறுநாள் மதியம் 1.30 மணிக்கு சத்ய சாய் பி நிலையத்தை சென்றடைகிறது. மறுமார்க்கத்தில் சத்ய சாய் பி நிலையத்தில் இருந்து 25-ந் தேதி இரவு புறப்படும் சிறப்பு ரெயில் (06068) மறுநாள் மாலை 6 மணிக்கு திருவனந்தபுரம் வடக்கு ரெயில் நிலையத்தை வந்தடைகிறது. இந்த சிறப்பு ரெயில்களுக்கான முன்பதிவு நாளை (புதன்கிழமை) காலை 8 மணிக்கு தொடங்குகிறது.

இவ்வாறு அதில் கூறப்பட்டுள்ளது.