கூலி திரைப்படத்தை இணையதளங்களில் வெளியிட தடை

நடிகர் ரஜினிகாந்த் நடித்துள்ள கூலி படத்தை சட்டவிரோதமாக வெளியிட 36 இணையதள சேவை நிறுவனங்களுக்கு சென்னை ஐகோர்ட்டு தடை விதித்துள்ளது. கூலி படத்தின் தயாரிப்பு நிறுவனம் தொடர்ந்த வழக்கில் இந்த உத்தரவு பிறப்பிக்கப்பட்டுள்ளது. கூலி திரைப்படம் வரும் 14-ம் தேதி வெளியாக உள்ளது குறிப்பிடத்தக்கது.

தாம்பரம் கமிஷனர் அலுவலகத்தை காலிசெய்ய சென்னை ஐகோர்ட்டு உத்தரவு

தனியார் கட்டிடத்தில் செயல்படும் தாம்பரம் காவல் ஆணையர் அலுவலகத்தை 2 ஆண்டுகளில் காலி செய்ய சென்னை ஐகோர்ட்டு உத்தரவிட்டுள்ளது, மேலும் கட்டிட வாடகையை ரூ.6 லட்சத்தில் இருந்து ரூ.13 லட்சம் ரூபாயாக உயர்த்தி, கூடுதல் தொகையாக ரூ.2.18 கோடியை 2025 டிசம்பர் 31-ம் தேதிக்குள் கட்டிட உரிமையாளர்களுக்கு வழங்கவும் உத்தரவிடப்பட்டுள்ளது.

தேர்தல் ஆணையம் நோக்கி பேரணி: இந்தியா கூட்டணி எம்.பிக்கள் தடுத்து நிறுத்தம்

முதல்-அமைச்சர் மு.க.ஸ்டாலின் வெளிநாடு பயணம்?

தமிழகத்துக்கு முதலீடுகளை ஈர்க்கும் வகையில் இங்கிலாந்து, ஜெர்மனி நாடுகளுக்கு முதல்-அமைச்சர் மு.க.ஸ்டாலின் செல்ல உள்ளதாக தகவல் வெளியாகியுள்ளது. இம்மாத இறுதி அல்லது செப்டம்பரில் இந்த வெளிநாட்டுப்பயணம் இருக்கும் என்று கூறப்படுகிறது.

டெல்லியில் நாடாளுமன்ற உறுப்பினர்களுக்கான புதிய குடியிருப்புகளை பிரதமர் மோடி திறந்துவைத்தார். பாபா காரக் சிங் மார்க் பகுதியில் 184 வீடுகளைக் கொண்ட அடுக்குமாடி குடியிருப்புகள் கட்டப்பட்டுள்ளன. எம்பிகளுக்கான ஒவ்வொரு வீடும் தலா 5,000 சதுர அடி பரப்பளவு கொண்டதாக உள்ளது.

சுதந்திர தின விழாவை முன்னிட்டு சென்னை புனித ஜார்ஜ் கோட்டை முகப்பில் இரண்டாவது ஒத்திகை நிகழ்ச்சி நடைபெற்றது.

திருப்பூர் மாவட்டத்தில் புதிய திட்டங்களை துவக்கி வைத்த முதல்வர்

திருப்பூர் மாவட்டம் உடுமலை நேதாஜி மைதானத்தில் நடைபெற்ற அரசு விழாவில், முதல்-அமைச்சர் மு.க.ஸ்டாலின் கலந்துகொண்டு, ரூ.295 கோடி மதிப்பீட்டில் 19,785 பயனாளிகளுக்கு நலத்திட்ட உதவிகளை வழங்கினார். மேலும், ரூ.949 கோடியில் முடிவுற்ற பணிகளை திறந்து வைத்தார். ரூ.182 கோடி மதிப்பீட்டில் புதிய திட்டங்களுக்கு அடிக்கல் நாட்டினார். 

இந்நிகழ்ச்சியில் உரையாற்றிய முதல்-அமைச்சர், திருப்பூர் மாவட்டத்திற்கான புதிய அறிவிப்புகளை வெளியிட்டார்.