ரச்சின் ரவீந்திராவின் கேட்சை தவற விட்ட முகமது ஷமி: 28 ரன்களில் ஆடிக்கொண்டிருந்த ரச்சின் ரவீந்திராவுக்கு முகமது ஷமி கேட்சை தவறவிட்டார்.

5 ஓவர்கள் முடிவில் நியூசிலாந்து 37/0 

இந்திய அணி மாற்றம் எதுவும் இல்லை. கடைசி 2 போட்டிகளில் விளையாடிய வீரர்கள் அப்படியே இடம் பெற்றுள்ளனர். நியூசிலாந்து அணியை பொறுத்த வரை மேட் ஹென்றிக்கு பதிலாக நாதன் சுமித் இடம் பிடித்துள்ளார்.

இரு அணிகளுக்கான பிளேயிங் லெவன் பின்வருமாறு:-

இந்தியா: ரோகித் சர்மா (கேப்டன்), சுப்மன் கில், விராட் கோலி, ஸ்ரேயாஸ் ஐயர், அக்சர் படேல், கே.எல்.ராகுல், ஹர்திக் பாண்ட்யா, ஜடேஜா, முகமது ஷமி, குல்தீப் யாதவ், வருண் சக்ரவர்த்தி.

நியூசிலாந்து: வில் யங், ரச்சின் ரவீந்திரா, வில்லியம்சன், டேரில் மிட்செல், டாம் லதாம், கிளென் பிலிப்ஸ், மிச்செல் பிரெஸ்வெல், சாண்ட்னர் (கேப்டன்), கைல் ஜேமிசன், வில்லியம் ஒரூர்க், நாதன் சுமித். 

9-வது ஐ.சி.சி. சாம்பியன்ஸ் கோப்பை கிரிக்கெட் போட்டி கடந்த மாதம் 19-ந்தேதி பாகிஸ்தானில் தொடங்கியது. பாதுகாப்பு காரணங்களுக்காக இந்திய அணி, பாகிஸ்தான் செல்ல மறுத்ததால் இந்திய அணிக்குரிய ஆட்டங்கள் மட்டும் துபாய்க்கு மாற்றப்பட்டது.

8 அணிகள் பங்கேற்ற இந்த கிரிக்கெட் திருவிழாவில் லீக் மற்றும் அரைஇறுதி சுற்று முடிவில் இந்தியாவும், நியூசிலாந்தும் இறுதிப்போட்டிக்குள் நுழைந்தன. நடப்பு சாம்பியனான பாகிஸ்தான் லீக் சுற்றை தாண்டவில்லை.

இந்த நிலையில் ஐ.சி.சி. மகுடம் யாருக்கு என்பதை நிர்ணயிக்கும் இந்தியா- நியூசிலாந்து இடையிலான இறுதி ஆட்டம் துபாயில் இன்று (ஞாயிற்றுக்கிழமை) நடைபெறுகிறது.

இந்நிலையில் இந்த ஆட்டத்திற்கான டாஸ் சுண்டப்பட்டது. இதில் டாஸ் வென்ற நியூசிலாந்து அணியின் கேப்டன் சாண்ட்னர் பேட்டிங்கை தேர்வு செய்துள்ளார். அதன்படி இந்தியா முதலில் பந்து வீச உள்ளது.

சாம்பியன்ஸ் டிராபி இறுதிப்போட்டி; இந்தியா-நியூசிலாந்து அணிகளின் பலம், பலவீனம் - ஒரு அலசல்