ஜப்பான் மாஸ்டர்ஸ் பேட்மிண்டன்: அரையிறுதியில் லக்‌சயா சென் தோல்வி

குமாமோட்டோ,

ஜப்பான் மாஸ்டர்ஸ் சர்வதேச பேட்மிண்டன் போட்டி அங்குள்ள குமாமோட்டோவில் நடந்து வருகிறது. இதில் ஆண்கள் ஒற்றையர் பிரிவில் நேற்று நடந்த அரையிறுதி ஆட்டம் ஒன்றில் உலக தரவரிசையில் 15-வது இடத்தில் இருக்கும் இந்திய இளம் வீரர் லக்சயா சென், 13-ம் நிலை வீரரான கென்டா நிஷிமோட்டோவை (ஜப்பான்) எதிர்கொண்டார்.

77 நிமிடங்கள் நீடித்த விறுவிறுப்பான இந்த ஆட்டத்தில் லக்சயா சென் 19-21, 21-14, 12-21 என்ற செட் கணக்கில் நிஷிமோட்டோவிடம் வீழ்ந்து நடையை கட்டினார்.