உணவு

கார்போஹைட்ரேட்டுகள் எடையை அதிகரிக்குமா? + "||" + carbohydrates, high fat matter..?

கார்போஹைட்ரேட்டுகள் எடையை அதிகரிக்குமா?

கார்போஹைட்ரேட்டுகள் எடையை அதிகரிக்குமா?
எளிமையான கார்போஹைட்ரேட் உணவுகள் ரத்த சர்க்கரையின் அளவை உடனடியாக அதிகரித்து, உடல் எடையை அதிகரிக்கச் செய்யும். சிக்கலான கார்போஹைட்ரேட்டை உடல் கிரகித்துக்கொள்ள நீண்ட நேரம் ஆகும்.
டல் வளர்ச்சிக்கும், கட்டமைப்புக்கும், செயல்பாடுகளுக்கும் ‘மேக்ரோ நியூட்ரியண்ட்ஸ்’ எனப்படும் மாவுச்சத்து, புரதச்சத்து மற்றும் கொழுப்புச்சத்து ஆகியவை முக்கியமானவை. இதில் ‘கார்போஹைட்ரேட் எனும் மாவுச்சத்து’ உடல் இயக்கத்துக்குத் தேவையான ஆற்றலைத் தருகிறது. இது தினமும் சாப்பிடும் பழங்கள் மற்றும் காய்கறிகள் போன்ற ஆரோக்கியமான உணவுகள் முதல் பொரித்த உணவுகள், பாக்கெட்டில் அடைக்கப்பட்ட உணவுகள் வரை அனைத்திலும் உள்ளது.

கார்போஹைட்ரேட் செரிமானம் ஆகும்போது குளுக்கோஸாக மாறுகிறது. இந்த குளுக்கோஸ் ரத்த ஓட்டத்தில் கலந்து, உடலின் பல்வேறு செல்கள் மற்றும் திசுக்களுக்கு அனுப்பப்படுகிறது. செல்கள் இதன் மூலமாகவே உடல் இயக்கத்துக்குத் தேவையான சக்தியைப் பெறுகிறது.

கார்போஹைட்ரேட்டில் எளிமையானது, சிக்கலானது என இரண்டு வகைகள் உள்ளது. எளிமையான கார்போஹைட்ரேட் எளிதில் செரிக்கப்பட்டு உடலில் உறிஞ்சப்படுகிறது. பசியினால் சோர்வாக இருக்கும்போது இந்த எளிமையான கார்போஹைட்ரேட் உணவைத்தான் சாப்பிடுகிறோம். இது உடலுக்கு விரைவான சக்தியைக் கொடுக்கிறது.

மேலும், எளிமையான கார்போஹைட்ரேட் உணவுகள் ரத்த சர்க்கரையின் அளவை உடனடியாக அதிகரித்து, உடல் எடையை அதிகரிக்கச் செய்யும். இவை சோடா, பிஸ்கட், பதப்படுத்தப்பட்ட உணவுகள் மற்றும் சர்க்கரை சேர்க்கப்பட்ட ஜூஸ் போன்றவற்றில் இருக்கும். இவற்றை அதிகமாக உட்கொள்ளும்போது உடல் எடை அதிகரிப்பு, பதற்றம் மற்றும் எரிச்சல் உணர்வு போன்றவை உண்டாகும்.

சிக்கலான கார்போஹைட்ரேட்டை உடல் கிரகித்துக்கொள்ள நீண்ட நேரம் ஆகும். இது முழு கோதுமை ரொட்டி, தானியம், சோளம், ஓட்ஸ், பட்டாணி மற்றும் அரிசி போன்றவற்றில் உள்ளது. இவை உடலுக்கு நன்மை தரும்.

உடல் உழைப்புக்கு ஏற்றபடி, தனி நபருக்கான கார்போஹைட்ரேட்டின் அளவும், தேவையும் மாறுபடும். எனினும், தோராயமாக ஒரு நாளுக்கு 225 முதல் 325 கிராம் வரை கார்போஹைட்ரேட் ஊட்டச்சத்து உடலுக்குத் தேவைப்படும் என வல்லுநர்கள் பரிந்துரைக்கிறார்கள்.  உடலின் தேவைக்கு அதிகமாகக் கிடைக்கும் கார்போஹைட்ரேட்டின் அளவை, உடற்பயிற்சி செய்வதன் மூலம் கட்டுப்படுத்தலாம்.

கார்போஹைட்ரேட் நிறைந்த உணவுகள்:
* ஆப்பிள், மாம்பழம், வாழை, தர்பூசணி, பெர்ரி, பீச், மெலன் போன்ற பழ வகைகள்.
* உருளைக்கிழங்கு, சர்க்கரை வள்ளிக்கிழங்கு, பிராக்கோலி, காலிபிளவர், முட்டைக்கோஸ், குடை மிளகாய், சீமை சுரைக்காய், முள்ளங்கி மற்றும் காளான் போன்ற காய்கறி வகைகள்.
* ஓட்ஸ், பழுப்பு நிற அரிசி மற்றும் முழு தானியங்கள்.
* பீன்ஸ், பட்டாணி போன்ற பருப்பு வகைகள்.
* முழு கோதுமை, முளை கட்டிய தானியங்கள், பார்லி, பால், பாலாடைக்கட்டி, தயிர், கோழி இறைச்சி மற்றும் விதைகள் போன்றவற்றிலும் கார்போஹைட்ரேட் நிறைந்துள்ளது. 

தொடர்புடைய செய்திகள்

1. தேசிய பெண் குழந்தைகள் தினம்
சமூகத்தில் பெண் குழந்தைகளுக்கு சம உரிமை, சம வாய்ப்பு அளிப்பதை உறுதி செய்யும் பொருட்டு, 2008-ம் ஆண்டு ஜனவரி மாதம் 24-ந் தேதி முதல் ‘தேசிய பெண் குழந்தைகள் தினம்’ கொண்டாடப்படுகிறது
2. சக்கர நாற்காலியில் அமர்ந்து சாதிக்கத் தூண்டும் டெல்பின்
என்னுடைய கவலைகளைக் காது கொடுத்து கேட்கவும் யாருமில்லை. அந்த நொடியில்தான், நாம் ஏன் இன்னொருவருக்கான காதுகளாக இருக்கக் கூடாது? எனத் தோன்றியது. உடனடியாக அதற்கான அமைப்பைத் தொடங்கினேன்.
3. வீட்டு உபயோகப் பொருட்கள் பராமரிப்பு
வீட்டில் யு.பி.எஸ். பயன்படுத்துபவர்கள் இன்வர்ட்டரை சார்ஜ் செய்யும்பொழுது, அதன் அனுமதிக்கப்பட்ட வேகத்தைவிட கூடுதல் வேகத்துடன் சார்ஜ் செய்யக் கூடாது.
4. சருமத்தை கண்ணாடி போல மாற்றும் ‘அரிசி பேஷியல்’
இந்த பேஷியல் சருமத்தில் எஞ்சி இருக்கும் அழுக்குகள் மற்றும் இறந்த செல்களை முற்றிலும் நீக்கும். முகம் பொலிவும் பெறும்.
5. அரசுப்பள்ளி ஆசிரியர்களுக்கு முன்மாதிரியான உமா
சிறந்த ஆசிரியர் என்பதை விட, மாணவர்கள் ஏற்றுக்கொள்ளும்படியான ஆசிரியராக மாறியிருக்கிறேன். காலம் மாறிக்கொண்டே இருக்கிறது. நிறைய கற்றுக்கொள்ள வேண்டியிருக்கிறது.