தேர்தல்களில் வெற்றிபெற மக்களிடையே வெறுப்புணர்வு பரப்பப்படுகிறது - பரூக் அப்துல்லா

ஸ்ரீநகர்,

காங்கிரஸ் மூத்த தலைவர் ராகுல்காந்தி கடந்த ஆண்டு கன்னியாகுமரியில் பாரத் ஜோடோ யாத்திரை என்ற பெயரில் இந்திய ஒற்றுமை யாத்திரையை தொடங்கினார். இந்த பாதயாத்திரை பல்வேறு மாநிலங்களை கடந்து தற்போது ஜம்மு-காஷ்மீரில் நடைபெற்று வருகிறது.

ஜம்முவில் நடைபெற்றுவரும் இந்த பாதயாத்திரையில் ராகுல்காந்தியுடன் பல்வேறு தலைவர்கள் பங்கேற்று தங்கள் ஆதரவை தெரிவித்து வருகின்றனர்.

இந்நிலையில், ஜம்மு-காஷ்மீர் முன்னாள் முதல்-மந்திரியும், தேசிய மாநாட்டு கட்சி தலைவருமான பரூக் அப்துல்லா அனந்த்நாக் மாவட்டத்தில் இன்று செய்தியாளர்களை சந்தித்தார்.

அப்போது அவர் கூறுகையில், வெறுப்புணர்வைன் சுவற்றை உடைத்து, நாட்டை ஒன்றிணைப்பதே ராகுல்காந்தியில் யாத்திரையின் நோக்கம். தான் நமது முன்னோர்களின் கனவு அதற்காக அவர்கள் செய்த தியாகத்திற்காக ஒவ்வொருவரின் நலனுக்காக நாம் அனைவரும் ஒன்றிணைந்து செயல்படவேண்டும் என்பது இந்த யாத்திரையின் செய்தி.

தேர்தலில் வெற்றிபெறுவதற்காக நாட்டில் மக்களிடையே வெறுப்புணர்வு பரப்பப்படுகிறது. இந்த அனுகுமுறை நாட்டையும், மக்களையும் வளர்ச்சிப்பாதைக்கு கொண்டு செல்லாது. அது அழிவுக்கு மட்டுமே வழிவகுக்கும். எனது சகோதரர்கள் (காஷ்மீரி பண்டிட்கள்) இந்த இடத்தை விட்டு வெளியேறும் சூழ்நிலை ஏற்பட்டது. நான் மரணிப்பதற்கு முன் அவர்கள் மீண்டும் அவர்களின் வீடுகளுக்கு மரியாதையுடன் வரும் சூழ்நிலை ஏற்பட வேண்டும் என்பது எனது விருப்பம்' என்றார்.