சென்னையின் 'செல்லப்பிள்ளை' டோனி தொடர்ந்து விளையாட வேண்டும்; முதல்-அமைச்சர் மு.க.ஸ்டாலின் வேண்டுகோள்

சென்னை,

தமிழ்நாடு விளையாட்டு மேம்பாட்டு ஆணையம் சார்பில் தமிழ்நாடு சாம்பியன்ஸ் அறக்கட்டளை மற்றும் முதல்-அமைச்சர் கோப்பைக்கான துவக்க விழா மற்றும் இலச்சினை, சின்னம் வெளியீட்டு விழா இன்று சென்னையில் நடைபெற்றது.

இந்த நிகழ்ச்சியில் முதல்-அமைச்சர் மு.க.ஸ்டாலின், சென்னை சூப்பர் கிங்ஸ் கேப்டன் எம்.எஸ். தோனி, அமைச்சர் உதயநிதி ஸ்டாலின் உள்பட பலர் கலந்துகொண்டனர்.

நிகழ்ச்சியில் பேசிய முதல்-அமைச்சர் மு.க.ஸ்டாலின்,

சென்னையின் செல்லப்பிள்ளை டோனி சென்னை சூப்பர் கிங்ஸ் அணிக்காக தொடந்து விளையாட வேண்டும் என விரும்புகிறேன். தோனி சொந்த உழைப்பில் வளர்ந்தவர், அதனால் தான் அவர் விளம்பர தூதராக உள்ளார். தமிழ்நாடு தத்தெடுத்துக்கொண்ட மகன் தோனி; லட்சக்கணக்கான இந்திய இளைஞர்களுக்கு அவர் முன்னுதாரணமாக விளங்குகிறார்.

தமிழ்நாட்டில் உள்ள அனைவரையும் போல நானும் ஒரு டோனி ரசிகன் தான். தமிழ்நாட்டில் அனைத்து விளையாட்டுகளிலும் பல டோனிகளை உருவாக்க வேண்டும். தமிழ்நாட்டில் இருந்து நிறைய டோனிக்களை உருவாக்க விரும்புகிறோம்' என்றார்.