புதுச்சேரி சட்டமன்ற தேர்தல்: பாஜக சார்பாக போட்டியிடும் 9 தொகுதிகளுக்கான வேட்பாளர்கள் அறிவிப்பு


புதுச்சேரி சட்டமன்ற தேர்தல்: பாஜக சார்பாக போட்டியிடும் 9 தொகுதிகளுக்கான வேட்பாளர்கள் அறிவிப்பு
x
தினத்தந்தி 16 March 2021 4:08 PM GMT (Updated: 16 March 2021 4:08 PM GMT)

புதுச்சேரி சட்டமன்ற தேர்தலில் பாஜக சார்பாக போட்டியிடும் 9 தொகுதிகளுக்கான வேட்பாளர்கள் பட்டியல் அறிவிக்கப்பட்டுள்ளது.


புதுச்சேரி, 

தமிழ்நாடு, புதுச்சேரி ஆகிய மாநிலங்களில் ஏப்ரல் 6-ம் தேதி ஒரே கட்டமாக தேர்தல் நடைபெற உள்ளது. 30 சட்டமன்றத் தொகுதிகள் உள்ள புதுச்சேரியைப் பொறுத்தவரையில், காங்கிரஸ், தி.மு.க, விடுதலைச் சிறுத்தைகள் ஆகிய கட்சிகள் கூட்டணி அமைத்து தேர்தலை எதிர்கொள்கின்றன. மறுபுறம் என்.ஆர்.காங்கிரஸ் தலைமையில், பா.ஜ.க, அ.தி.மு.க கூட்டணி அமைத்து போட்டியிடுகின்றன.

புதுச்சேரியில் காங்கிரஸ் 15 தொகுதிகளிலும், தி.மு.க 13 தொகுதிகளிலும், விடுதலைச் சிறுத்தைகள், கம்யூனிஸ்ட் கட்சி தலா ஒரு தொகுதியிலும் போட்டியிடுகிறது. அதேபோல, என்.ஆர்.காங்கிரஸ் 16 தொகுதிகளிலும், பா.ஜ.க 9 தொகுதிகளிலும், அ.தி.மு.க 5 தொகுதிகளிலும் போட்டியிடுகிறது.

இந்நிலையில் புதுச்சேரி சட்டமன்ற தேர்தலில் பாஜக சார்பாக போட்டியிடும் 9 தொகுதிகளுக்கான வேட்பாளர்கள் பட்டியல் அறிவிக்கப்பட்டுள்ளது.

இதன்படி, காமராஜ்நகர் - ஜான்குமார்

மண்ணாடிப்பட்டு - நமச்சிவாயம்

மணவெளி - ஏம்பலம் செல்வம்

லாஸ்பேட்டை - சாமிநாதன்

திருநள்ளாறு - ராஜசேகர்

நிரவி - மனோகர் 

காலாப்பட்டு - கல்யாணசுந்தரம் 

நெல்லித்தோப்பு - ரிச்சர்ட்

ஊசுடு - சாய் ஜெ.சரவணக்குமார் ஆகியோர் வேட்பாளர்களாக அறிவிக்கப்பட்டுள்ளனர். 

Next Story