'ஏ' டிவிசன் லீக் கைப்பந்து: டி.ஜி.வைஷ்ணவா அணியிடம் ஐ.ஓ.பி. தோல்வி

சென்னை,

சென்னை மாவட்ட கைப்பந்து சங்கம் சார்பில் எஸ்.என்.ஜெ. குழுமம் ஆதரவுடன் 'ஏ' டிவிசன் லீக் கைப்பந்து போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 9-வது நாளான நேற்று நடந்த லீக் ஆட்டம் ஒன்றில் இந்தியன் ஓவர்சீஸ் வங்கி (ஐ.ஓ.பி.) 20-25, 22-25, 22-25 என்ற நேர்செட்டில் டி.ஜி.வைஷ்ணவா கல்லூரியிடம் தோல்வியை தழுவியது.

5-வது ஆட்டத்தில் ஆடிய ஐ.ஓ.பி. சந்தித்த 2-வது தோல்வியாகும். மற்றொரு ஆட்டத்தில் இந்தியன் வங்கி சரிவில் இருந்து மீண்டு 24-26, 28-26, 25-20, 25-21 என்ற செட் கணக்கில் சுங்க இலாகா அணியை வீழ்த்தி 3-வது வெற்றியை தனதாக்கியது.