சென்னை,

தமிழக பாஜக மாநில தலைவர் பதவிக்கான தேர்தல் அறிவிக்கப்பட்டுள்ளது. இந்தநிலையில், தமிழக பாஜக மாநில துணைத்தலைவரும் கட்சியின் மாநில தேர்தல் அதிகாரியுமான எம்.சக்கரவர்த்தி வெளியிட்டுள்ள அறிக்கையில்,

அன்புள்ள சகோதர சகோதரிகளுக்கு வணக்கம்

நமது கட்சியின் அமைப்பு பருவ தேர்தல் திருவிழாவின் இறுதிக் கட்டத்தை நாம் அடைந்துள்ளோம். கிளை தொடங்கி மாவட்டத் தலைவர். மாநில பொதுக்குழு உறுப்பினர்கள் வரையிலான தேர்தல் முடிந்து தற்பொழுது இறுதியாக மாநிலத் தலைவர் மற்றும் தேசிய பொதுக்குழு உறுப்பினர்கள் தேர்தலுக்கான விருப்பு மனுக்கள் வரவேற்கப்படுகிறது.

மேற்கண்ட தேர்தலுக்கான விருப்பமனுக்களை கட்சியின் இணையதனமான www.bjptn.com என்ற இணையதளத்திலிருந்து பதிவிறக்கம் செய்து கொள்ளலாம். நாளை 11.042025. வெள்ளிக்கிழமை மதியம் 02.00 மணி முதல் மாலை 4 மணி போட்டியிட விருப்பமுள்ளவர்கள் விருப்பமனுவை மாநிலத் தலைமை அலுவலகத்தில் சமர்ப்பிக்குமாறு அன்புடன் கேட்டுக் கொள்கிறேன்.

மாநில தலைவருக்கான தேர்தல்

மாநில தலைவர் பதவிக்கு போட்டியிட விரும்புபவர்கள் படிவம் பூர்த்தி செய்ய வேண்டும். மூன்று பருவம் தீவிர உறுப்பினராகவும் மற்றும் குறைந்தது 10 வருட வருடங்கள் அடிப்படை உறுப்பினராகவும் உள்ளவர் மாநில தலைவர் பதவிக்கு போட்டியிட தகுதி பெறுவார். இவரை கட்சியில் தேர்தெடுக்கப்பட்ட மாநில பொதுக்குழு உறுப்பினர்கள் 10 பேர் அவரிடம் இருந்து எழுந்து பூர்வமான ஒப்புதல் பெற்று பரித்துரைக்க வேண்டும்.

தேசிய பொதுக்குழு உறுப்பினர் பதவிக்கான தேர்தல்

தேசிய பொதுக்குழு உறுப்பினர் பதவிக்கு போட்டியிட விரும்புபவர்கள் படிவம் இ பூர்த்தி செய்ய வேண்டும்.மாநில பொதுக்குழு உறுப்பினர் ஒருவர் முன் மொழிய மற்றொரு மாநில பொதுக்குழு உறுப்பினர் வழிமொழிய வேண்டும்.

இவ்வாறு அதில் தெரிவிக்கப்பட்டுள்ளது.

பாஜக உறுப்பினராக 10 ஆண்டுகள் அண்ணாமலை, நயினார் நாகேந்திரன் இல்லாததால் தலைவர் பதவிக்கு விண்ணப்பிக்க இயலாது. இருவருமே கட்சியில் சேர்ந்து 10 ஆண்டுகள் ஆகவில்லை என்பதால் தலைவர் பதவிக்கு விண்ணப்பதில் சிக்கல் ஏற்பட்டுள்ளது. மத்திய உள்துறை மந்திரி அமித்ஷா இன்றிரவு சென்னைக்கு வருகை தரும் நிலையில் மாநில தேர்தலுக்காக அறிவிப்பு வெளியிடப்பட்டுள்ளது.