பஞ்சாப்பில் 11 வழக்குகளில் தொடர்பு; மும்பையில் பதுங்கி இருந்த 2 பேர் கைது

மும்பை,

பஞ்சாப் மாநிலம் ஜலந்தர் பகுதியை சேர்ந்த பஞ்சம் நூர்சிங் (வயது32), ஹிமான்சு மாதா(30). இவர்கள் மீது கொலை முயற்சி, கடத்தல், துப்பாக்கி சூடு மற்றும் பயங்கரவாதத்தை தூண்டுதல் உள்பட 11 வழக்குகள் பதிவாகி உள்ளது. இதன் காரணமாக 2 பேரும் தலைமறைவாகி விட்டனர். அவர்களை பிடிக்க போலீசார் நடத்திய விசாரணையில் மும்பையில் பதுங்கி இருப்பதாக தகவல் கிடைத்தது. இதன்படி பஞ்சாப் போலீசார் மும்பை போலீசுக்கு தகவல் கொடுத்தனர். இந்தநிலையில் மும்பை குர்லா வினோபாவே நகர் பகுதியில் பதுங்கி இருந்த 2 பேரையும் மும்பை போலீசார் கைது செய்தனர். பின்னர் அவர்கள் பஞ்சாப் மாநில போலீசாரிடம் ஒப்படைக்கப்பட்டனர்.