தேசிய செய்திகள்

மேற்கு வங்காளம்: ஆட்சி அமைக்க உரிமை கோருகிறார் மம்தா பானர்ஜி - ஆளுநருடன் இன்று சந்திப்பு + "||" + Mamata Banerjee to meet Bengal governor at 7pm to stake claim to form government

மேற்கு வங்காளம்: ஆட்சி அமைக்க உரிமை கோருகிறார் மம்தா பானர்ஜி - ஆளுநருடன் இன்று சந்திப்பு

மேற்கு வங்காளம்: ஆட்சி அமைக்க உரிமை கோருகிறார் மம்தா பானர்ஜி - ஆளுநருடன் இன்று சந்திப்பு
மேற்கு வங்காளத்தில் ஆட்சி அமைக்க உரிமை கோருவது தொடர்பாக அம்மாநில ஆளுநரை மம்தா பானர்ஜி இன்று மாலை சந்திக்க உள்ளார்.
கொல்கத்தா,

மேற்கு வங்காளத்தில் 8 கட்டங்களாக நடந்து முடிந்த சட்டசபை தேர்தலுக்கான வாக்கு எண்ணிக்கை நேற்று நடைபெற்றது. அதில் மம்தா பானர்ஜியின் திரிணாமுல் காங்கிரஸ் கட்சியை மிக அபாரமாக வெற்றி பெற்றது. 

200க்கும் அதிகமான தொகுதிகளில் வெற்றி பெற்றதை அடுத்து திரிணாமுல் காங்கிரஸ் கட்சி மீண்டும் ஆட்சி அமைக்க உள்ளது. 

இந்நிலையில் இன்று மாலை 7 மணிக்கு திரிணாமுல் காங்கிரஸ் கட்சியின் தலைவர் மம்தா பானர்ஜி, அம்மாநில ஆளுநர் ஜகதீப் தங்கரை சந்திக்க திட்டமிட்டுள்ளார். மேலும் மாநிலத்தில் ஆட்சி அமைக்க உரிமை கோர இருப்பதாகவும் தகவல்கள் வெளிவந்துள்ளது. இது தொடர்பாக ஆளுநர் ஜகதீப் தங்கர் தனது டுவிட்டரில், “திங்கள்கிழமை மாலை 7 மணிக்கு திரிணமூல் காங்கிரஸ் தலைவர் மம்தா பானர்ஜி என்னைச் சந்திக்க உள்ளார்” என்று பதிவிட்டிருந்தார்

முன்னதாக கொல்கத்தாவில் உள்ள கட்சி தலைமையகத்தில் தனது கட்சித் தலைவர்களுடன் மம்தா பானர்ஜி ஆலோசனை கூட்டம் ஒன்றை நடத்த உள்ளார்.

திரிணாமுல் காங்கிரஸ் கட்சி 200க்கும் அதிகமான தொகுதிகளில் வெற்றி பெற்று ஆட்சி அமைக்க இருந்தாலும் மம்தா பானர்ஜி, தான் போட்டியிட்ட தொகுதியான நந்திகிராம் தொகுதியில் தோல்வி அடைந்துள்ளார். மறு வாக்கு எண்ணிக்கை கோரிக்கையை தேர்தல் ஆணையம் நிராகரித்த நிலையில் நீதிமன்றம் செல்ல இருப்பதாகவும் கூறப்படுகிறது

திரிணாமுல் காங்கிரஸ் கட்சி 212 சட்டமன்ற இடங்களை வென்றுள்ளதுடன், ஒரு தொகுதியில் முன்னிலை வகிக்கிறது என்று தேர்தல் ஆணையம் தெரிவித்துள்ளது குறிப்பிடத்தக்கது. 

தொடர்புடைய செய்திகள்

1. மேற்கு வங்காளம்: 25 சீனியர்கள், 15 புதுமுகங்களுடன் 43 பேர் கொண்ட மம்தா பானர்ஜி அமைச்சரவை பதவியேற்பு
மேற்கு வங்காளம்: 25 சீனியர்கள், 15 புதுமுகங்களுடன் 43 பேர் கொண்ட மம்தா பானர்ஜி அமைச்சரவை பதவியேற்று கொண்டது.
2. மேற்கு வங்காளத்தில் 20 ஆயிரத்தை நெருங்கிய ஒருநாள் கொரோனா பாதிப்பு
மேற்கு வங்காளத்தில் இன்று மேலும் 19,216 பேருக்கு கொரோனா தொற்று உறுதி செய்யப்பட்டுள்ளது.
3. மேற்கு வங்காளத்தில் 18 ஆயிரத்தை தாண்டிய ஒருநாள் கொரோனா பாதிப்பு
மேற்கு வங்காளத்தில் இன்று மேலும் 18,102 பேருக்கு கொரோனா தொற்று உறுதி செய்யப்பட்டுள்ளது.
4. மேற்கு வங்காளத்தில் வன்முறை: ஜனாதிபதி ஆட்சி அமல்படுத்த கோரி சுப்ரீம் கோர்ட்டில் மனு
மேற்கு வங்காள வன்முறை விவகாரத்தில் அம்மாநிலத்தில் ஜனாதிபதி ஆட்சியை அமல்படுத்த கோரியும், சி.பி.ஐ. விசாரணை கோரியும் சுப்ரீம் கோர்ட்டில் மனுக்கள் தாக்கல் செய்யப்பட்டுள்ளன.
5. ‘மேற்கு வங்காளத்தில் வன்முறையை கட்டுப்படுத்துங்கள்’ - மம்தாவுக்கு, காங்கிரஸ் கண்டிப்பு
மேற்கு வங்காளத்தில் வன்முறையை கட்டுப்படுத்துங்கள் என்று மம்தா பானர்ஜிக்கு காங்கிரஸ் கட்சி கண்டித்துள்ளது.