மாவட்ட செய்திகள்

தஞ்சையில் அனுமதியின்றி வைக்கப்பட்ட 2 விநாயகர் சிலைகள் அகற்றம்: போலீசார் குவிப்பு + "||" + Thanjavur Placed without permission Removal of 2 Ganesha statues

தஞ்சையில் அனுமதியின்றி வைக்கப்பட்ட 2 விநாயகர் சிலைகள் அகற்றம்: போலீசார் குவிப்பு

தஞ்சையில் அனுமதியின்றி வைக்கப்பட்ட 2 விநாயகர் சிலைகள் அகற்றம்: போலீசார் குவிப்பு
தஞ்சையில் அனுமதியின்றி வைக்கப்பட்ட 2 விநாயகர் சிலைகள் அகற்றப்பட்டன. பிரச்சினை ஏற்படாமல் இருக்க அங்கு பாதுகாப்புக்காக போலீசார் குவிக்கப்பட்டுள்ளனர்.
தஞ்சாவூர், 

விநாயகர் சதுர்த்தி விழாவையொட்டி விநாயகர் சிலைகள் பிரதிஷ்டை செய்யப்பட்டு நீர்நிலைகளில் கரைக்கப்படுவது வழக்கம். இதற்காக இந்து அமைப்புகள் சார்பில் பல்வேறு இடங்களில் வைக்கப்படும் விநாயகர் சிலைகளுக்கு முறையாக அனுமதி பெற வேண்டும். தஞ்சை நிர்மலா நகரில் காலிமனை தொடர்பாக இரு சமூகத்தினருக்கு இடையே பிரச்சினை நிலவி வருகிறது. இருசமூகத்தினரையும் வருவாய் கோட்டாட்சியர் சுரேஷ் அழைத்து பேசியும் சுமுக தீர்வு ஏற்படவில்லை.

இதேபோல் கீழவாசல், வண்ணாந்துறை பகுதியில் இரு பிரிவினருக்கு இடையே பிரச்சினை நிலவி வருகிறது. இதனால் நிர்மலா நகர், வண்ணாந்துறை ஆகிய இரு இடங்களிலும் விநாயகர் சிலைகள் வைப்பது மட்டுமின்றி எந்தவித மதவழிபாடும் நடத்த தடை விதிக்கப்பட்டு உள்ளது.

இந்த நிலையில் விநாயகர் சதுர்த்தியையொட்டி பல்வேறு இந்து அமைப்புகள் சார்பில் தஞ்சை மாநகரில் பல்வேறு இடங்களில் விநாயகர் சிலைகள் பிரதிஷ்டை செய்யப்பட்டு வழிபாடு நடந்து வருகிறது. இந்து முன்னணி மாநகர தலைவர் பாலமுருகன் தலைமையில் நிர்வாகிகள் சிலர், நிர்மலா நகரில் பிரதிஷ்டை செய்வதற்காக விநாயகர் சிலையை கொண்டு சென்றனர்.

ஏற்கனவே அங்கு போலீஸ் பாதுகாப்பு போடப்பட்டு இருந்தது. அதையும் மீறி நிர்மலாநகரில் விநாயகர் சிலையை இந்து முன்னணியினர் பிரதிஷ்டை செய்தனர். இதனால் இருசமூகத்தினருக்கு இடையே பிரச்சினை ஏற்படும் நிலை உருவானது. இதனையடுத்து தஞ்சை மருத்துவக்கல்லூரி போலீசார் அங்கு விரைந்து சென்று அனுமதியின்றி வைக்கப்பட்ட விநாயகர் சிலையை அகற்றி, அந்த சிலையை தஞ்சை தாலுகா அலுவலகத்திற்கு கொண்டு சென்றனர். மேலும் பிரச்சினை ஏதும் ஏற்படாமல் இருக்க நிர்மலா நகரில் போலீசார் குவிக்கப்பட்டுள்ளனர்.

இதேபோல் வண்ணாந்துறை பகுதியில் நேற்று மாலை இந்து அமைப்பை சேர்ந்த சிலர், விநாயகர் சிலையை பிரதிஷ்டை செய்தனர். ஏற்கனவே அங்கு விநாயகர் சிலை வைக்க தடை விதிக்கப்பட்டு இருந்ததால் கிழக்கு போலீஸ் இன்ஸ்பெக்டர் சுப்பிர மணியன் மற்றும் போலீசார் விரைந்து சென்று அனுமதியின்றி வைக்கப்பட்ட சிலையை அகற்றி தாலுகா அலுவலகத்திற்கு கொண்டு சென்றனர்.

தொடர்ந்து அங்கு போலீசார் தீவிர கண்காணிப்பு பணியில் ஈடுபட்டு வருகின்றனர்.

தொடர்புடைய செய்திகள்

1. ரெயில்களில் மாற்றுத்திறனாளிகளுக்கான பெட்டிகளை திறந்து விடக்கோரி தஞ்சையில், மாற்றுத்திறனாளிகள் ஆர்ப்பாட்டம்
ரெயில்களில் மாற்றுத்திறனாளிகளுக்கு ஒதுக்கப்பட்ட பெட்டிகளை திறந்து விடக்கோரி தஞ்சையில் மாற்றுத்திறனாளிகள் ஆர்ப்பாட்டத்தில் ஈடுபட்டனர்.
2. கர்நாடக அரசு மேகதாது திட்டத்தை கைவிட வலியுறுத்தி பா.ஜ.க. சார்பில் தஞ்சையில் 5-ந்தேதி உண்ணாவிரதம்
கர்நாடக அரசு மேகதாது திட்டத்தை கைவிட வலியுறுத்தி தஞ்சையில் வருகிற 5-ந்தேதி தமிழக பா.ஜ.க. சார்பில் உண்ணாவிரத போராட்டம் நடைபெற இருப்பதாக அண்ணாமலை தெரிவித்துள்ளார்.
3. தஞ்சையில் முன்னாள் எம்.எல்.ஏ. தங்கமுத்து நினைவு நாள் நிகழ்ச்சி
தஞ்சையில் முன்னாள் எம்.எல்.ஏ. தங்கமுத்து 6-ம் ஆண்டு நினைவு நாள் நிகழ்ச்சி நடைபெற்றது.
4. தஞ்சையில் தெய்வத்தமிழ் பேரவையினர், இந்து மக்கள் கட்சியினர் ஆர்ப்பாட்டம்
தஞ்சையில், தெய்வத்தமிழ் பேரவை மற்றும் இந்து மக்கள் கட்சியின் சார்பில் ஆர்ப்பாட்டம் நடந்தது.
5. தஞ்சையில் பெட்ரோல், டீசல் விலை உயர்வை திரும்ப பெறக்கோரி ஆர்ப்பாட்டம்
பெட்ரோல் டீசல் விலை உயர்வை திரும்ப பெறக்கோரி தஞ்சையில் கம்யூனிஸ்டு மற்றும் விடுதலை சிறுத்தைகள் கட்சி சார்பில் ஆர்ப்பாட்டம் நடைபெற்றது.